TULASI ACHARYA
स्वप्नभूमि सपनाको भूमिको खोजी हो । सपना, प्रेम, दर्शन, ज्ञान, र अध्ययनको कोलाज हो । निजी भोगाइको काल्पनिक कलेवर हो । विदेश पढ्न जाने अन्तर्राष्ट्रिय बिद्यार्थीहरुको कहानी हो । दुई भिन्न संस्कृतिबिचको सोच, विचार, बहस र मनोविज्ञान हो । 'अमेरिकालाई सपनाको देश देखेर नेपाल छाड्नेहरू प्रकारान्तरले नेपाललाई नै स्वप्नभूमि देख्न थाल्छन् भन्ने भावमा सिर्जित यो उपन्यास चलायमान प्रवासी नेपालीहरूको मनस्थितिको सुन्दर चित्रण हो । यो सपना खोज्न विदेशिने युवा र तिनका अभिभावक तथा आफन्तजनले पढ्नैपर्ने कृति बनेको छ ।' डा. राम्जी तिमल्सिना'उदीयमान उपन्यासकार तुलसी आचार्य आप्रवासनको अलिनो अनुभवलाई आख्यानको कलेवर दिन सफल छन् । यसको विषय र प्रस्तुति कति कौतुकमय छ भने पाठकले कतै पनि थकाई मार्न पाउँदैन । विदेशको वैभव देखेर असली नेपाली मन कत्ति पनि विचलित हुँदैन भन्ने सत्यघोष गर्नु यसको अभिप्राय: हो । ’स्वप्नभूमि’ मा यथार्थ र आदर्श अनि आख्यान र गैरआख्यान जम्काभेट भइरहन्छ ।'राजकुमार बानियाँ
